زانکۆی نۆڵج بڕوانامە جیهانییەکانی سیسکۆی بە فێرخوازانی ئەندازیاری کۆمپیوتەر دەبەخشێت

زانکۆی نۆڵج بڕوانامە جیهانییەکانی سیسکۆی بە فێرخوازانی ئەندازیاری کۆمپیوتەر دەبەخشێت

لە دەستکەوتێکدا کە لەسەر ئاستی هەرێمی کوردستان یەکەمینە لە جۆری خۆیدا، زانکۆی نۆڵج ئاهەنگی دەرچوون و دابەشکردنی بڕوانامە جیهانییەکانی "سیسکۆ" بۆ فێرخوازانی ئەندازیاریی کۆمپیوتەر پێشکەش کرد.

لە هەنگاوێکی ئەکادیمیی پێشەنگدا کە پابەندبوونی زانکۆی نۆڵج بە بەستنەوەی پڕۆگرامەکانی خوێندن بە بازاڕی کاری جیهانی نیشان دەدات، بەشی ئەندازیاریی کۆمپیوتەر ڕێوڕەسمێکی تایبەتی ڕێکخست بۆ دابەشکردنی بڕوانامەکانی متمانەپێدانی نێودەوڵەتی (Cisco Networking Basics) کە لەلایەن ئەکادیمیای کۆمپانیای سیسکۆی جیهانییەوە (Cisco Networking Academy) دەرچوون، ئەمەش بۆ قوتابیانی قۆناغی سێیەم دوای ئەوەی بە سەرکەوتوویی تاقیکردنەوە فەرمییەکانیان تێپەڕاند.

ڕێوڕەسمی ڕێزلێنانەکە بە سەرپەرشتیی ڕاستەوخۆی سەرۆکایەتیی بەشی ئەندازیاریی کۆمپیوتەر و بە سەرپەرشتی و ڕاهێنانی پڕۆفیسۆری یاریدەدەر، غەسان عەمانوئێل بەڕێوەچوو، کە ئەم دەستکەوتە بە یەکەمین پێشینە دادەنرێت لە جۆری خۆیدا لەسەر ئاستی زانکۆکانی هەرێمی کوردستان، لە ڕووی ئامادەکردن و ڕاهێنانی فێرخوازانی قۆناغی زانکۆ بۆ بەدەستهێنانی بڕوانامەی نێودەوڵەتیی دانپێدانراو لەلایەن گەورەترین کۆمپانیا جیهانییەکانی تەکنەلۆژیاوە هاوتەریب لەگەڵ خوێندنی ئەکادیمییان.

تۆمار: +964 750 3000 600
تۆمار: +964 750 3000 700
سەرۆکایەتی: +964 750 3000 800
[email protected]