دەستکەوتێکی گەورەی زانستی بۆ زانکۆی نۆلج لە ڕیزبەندی نێودەوڵەتی تایمز

دەستکەوتێکی گەورەی زانستی بۆ زانکۆی نۆلج لە ڕیزبەندی نێودەوڵەتی تایمز

زانکۆی نۆلج دەستکەوتێکی گەورەی زانستی و نێودەوڵەتی بەدەستهێناوە، لە ڕیزبەندی نێودەوڵەتی تایمز (Times Higher Education – THE) بۆ زانستە فرەبوارەکان (Interdisciplinary Science Rankings – ISR 2027)، پلەی یەکەم لەسەر ئاستی سەرجەم زانکۆ حکومی و تایبەتەکانی هەرێمی کوردستان و پلەی سێ یەم لەسەر ئاستی سەرجەم زانکۆکانی عێراق بەدەستبهێنێت هەروەها پلەی 351 لەسەر ئاستی جیهان.

ئەم ڕیزبەندییە چییە و بۆچی گرنگە؟

ئەم ڕیزبەندییە لەلایەن دامەزراوەی بەناوبانگی نێودەوڵەتی Times Higher Education ئەنجام دەدرێت و توانای زانکۆکان لە ئەنجامدانی توێژینەوەی زانستی هاوبەش لەنێوان دوو یان زیاتر لە بوارە زانستییە جیاوازەکان هەڵدەسەنگێنێت؛ بۆ نموونە، بەکارهێنانی زیرەکی دەستکرد لە پزیشکی، یان هاوکاری نێوان زانستی ژینگە و ئەندازیاری.

ڕیزبەندییەکە گرنگییەکی زۆر بە کوالێتی توێژینەوەکان، کاریگەری زانستی، ژمارەی ئاماژە پێدانەکان (Citations) و ناوبانگی توێژینەوەیی زانکۆکان دەدات.

هۆکارەکانی ئەم سەرکەوتنە

یەکێک لە هۆکارە گرنگەکانی ئەم دەستکەوتە، پێشکەوتنی بەرچاوی زانکۆی نۆلج لە بواری توێژینەوەی زانستی لە دوو ساڵی ڕابردوودا بووە، بە تایبەتی:

- بڵاوکردنەوەی ژمارەیەکی بەرچاو توێژینەوەی زانستی لە گۆڤارە نێودەوڵەتییەکانی خاوەن ئاست و کاریگەری بەرز (High-Impact Journals).
- بەدەستهێنانی ژمارەیەکی باشی ئاماژەپێدانی زانستی (Citations)، کە نیشاندەری کاریگەری توێژینەوەکانە لەسەر ئاستی نێودەوڵەتی.
- ئەنجامدانی توێژینەوەی هاوبەش لەگەڵ توێژەران و زانکۆ ناودارەکانی دەرەوەی وڵات.
- فراوانکردنی هاوکاری زانستی لەنێوان بوار و پسپۆڕییە جیاوازەکان.

ئەم هەنگاوانە ڕۆڵێکی گرنگیان هەیە لە بەهێزکردنی پێگەی توێژینەوەیی زانکۆ و بەرزکردنەوەی ناسراویی نێودەوڵەتییەکەی.

کۆتایی

ئەم دەستکەوتە تەنها پلەیەک نییە لە ڕیزبەندییەکی نێودەوڵەتی، بەڵکو بەڵگەیەکی گرنگە لەسەر پێشکەوتنی زانستی زانکۆی نۆلج و توانای کێبڕکێکردنی لەگەڵ زانکۆکانی عێراق و جیهان.

ئەم سەرکەوتنە جێگەی شانازییە بۆ ئەنجومەنی ئەمینداران، سەرۆکایەتی زانکۆ، بەڕێوەبەرایەتی دڵنیایی جۆری زانکۆو مامۆستایان و سەرجەم ستافی زانکۆ، و هاندەرێکی گرنگە بۆ بەردەوامبوون لە پەرەپێدانی توێژینەوەی زانستی و هاوکارییە نێودەوڵەتییەکان.

سەرچاوە:

Times Higher Education – Interdisciplinary Science Rankings 2027

تۆمار: +964 750 3000 600
تۆمار: +964 750 3000 700
سەرۆکایەتی: +964 750 3000 800
[email protected]