From Theory to Living Space
کۆلێژی ئەندازیاری – بەشی ئەندازیاری دیزاینی ناوخۆ لە زانکۆی نۆڵج، سیمینارێکی زانستی بە ناونیشانی “From Theory to Living Space” بەڕێوەبرد، کە لەلایەن Architect Soma Adil Ali پێشکەش کرا.
لە ماوەی سیمینارەکەدا، گرنگی گواستنەوەی زانیاری و بنەما تیۆرییەکان بۆ جێبەجێکردنی کرداری لە بواری دیزاینی ناوخۆ باس کرا. هەروەها، چۆنیەتی گۆڕینی بیرۆکە و چەمکەکانی دیزاین بۆ فەزایەکی کارا و گونجاو بۆ ژیان، بە لەبەرچاوگرتنی پێداویستییەکانی بەکارهێنەر، تایبەتمەندییەکانی شوێن و پەیوەندیی نێوان مرۆڤ و ژینگە، خراوەتە بەر باس.
سیمینارەکە هەروەها تیشکی خستە سەر گرنگی هاوسەنگی نێوان جوانکاری، کارایی و ئاسوودەیی لە پرۆسەی دیزاینی فەزا ناوخۆییەکان، و چۆنیەتی بەکارهێنانی زانیاریی ئەکادیمی لە پڕۆژە و دۆخە کردارییەکاندا.
ئامانجی ئەم چالاکییە زانستییە، بەهێزکردنی توانای زانستی و کرداریی فێرخوازان، فراوانکردنی تێگەیشتنیان لە پرۆسەی دیزاین و دروستکردنی پەیوەندییەکی بەهێزتر لەنێوان خوێندنی تیۆری و جێبەجێکردنی کرداری لە بواری ئەندازیاری دیزاینی ناوخۆ بوو.
