سیمیناری سیستەمی نوێی زانکۆ بۆ مامۆستایان بەڕێوەچوو
بە ئامادەبوونی پ.د. ئەحمەد دزەیی، سەرۆکی زانکۆی نۆڵج، د. مەروان عزیز ڕاگری کۆلێژی ئەندازیاری سیمینارێکی ئەکادیمی بە ناونیشانی «چۆنیەتی بەکارهێنانی سیستەمی نوێی زانکۆ» بۆ مامۆستایانی زانکۆ پێشکەشکرد. لە سیمینارەکەدا، شێوازی کارکردن بە سیستەمی نوێی زانکۆ، تایبەتمەندی و ئەرکە سەرەکییەکانی، هەروەها چۆنیەتی سوودوەرگرتن لە خزمەتگوزارییە جیاوازەکانی بە شێوەیەکی ورد خراوەتەڕوو. لە هەمان کاتدا، ڕێنمایی و زانیارییە پێویستەکان بۆ مامۆستایان پێشکەشکرا، بە مەبەستی ئاسانکاری لە بەکارهێنانی سیستەمەکە و بەرزکردنەوەی ئاستی کارامەیی لە ئەنجامدانی کاروبارە ئەکادیمی و کارگێڕییەکان.
