Congratulatory message from the board of trustees and the presidency of Knowledge University on the occasion of the 31st anniversary of the great uprising (revolution) of The People of Kurdistan
<p style="text-align:right;">بە ناوی دەستەی ئەمینداران و سەرۆکایەتی زانکۆی نۆڵج بە بۆنەی سی و یەكەمین ساڵیادی ڕاپەڕینە مەزنەكەی گەلی كوردستان پیرۆزبایی لە خانەوادەی سەربەرزی شەهیدان و پێشمەرگە قارەمانەكان و سەرجەم هاووڵاتیانی خۆشەویستی كوردستان دەكەین. کە ڕاپەڕین لە ٥/٣/١٩٩١ لە ڕانیە دەروازەی ڕاپەرین دەستی پێکرد و لە ٢٠ -٢١ شاری کەرکوک ئازادکرا و ئاگری سەرکەوتن و یادی نەورۆز کرایەوە.</p><p style="text-align:right;">ڕاپەڕین لە سەرتاسەری شار و شارۆچکەکانی هەرێمی کوردستان بەم شێوەیە بوو:</p><p style="text-align:right;">لە ٥ی ئازاری ١٩٩١دا ڕاپەرینی گەلی کورد لە شاری ڕانیە لە کاتژمێر ٩ی سەرلەبەیانی بە فەرمی دەستی پێ کرد و تا کاتژمێر ٣ی دوای نیوەڕۆ شاری ڕانیە ئازادکرا</p><p style="text-align:right;"> </p><p style="text-align:right;">لە ٦ی ئازاری ١٩٩١ لە کاژمێر ٤ی ئێوارە، ناوچەی بازیانی یەک و دوو و ناوچەی ناو دەشتی پشدەر ئازاد کرا</p><p style="text-align:right;"><br>لە ٧ی ئازاری ١٩٩١دا جەماوەری شاری سلێمانی ڕاپەڕی و شاری سلێمانی ئازادکرا</p><p style="text-align:right;"> </p><p style="text-align:right;">لە ٨ی ئازاری ١٩٩١ ڕاپەڕین لە چەمچەماڵ و ھەڵەبجە و عەربەت و زەڕایەن و سمود و نەسڕ و باریەکە و پیرەمەگروون و ئەلڵایی دەستی پێکرد و ئەم ناوچانە ئازادکران</p><p style="text-align:right;"> </p><p style="text-align:right;">لە ٩ی ئازاری ١٩٩١دا کۆیە و شەقڵاوە و کفری و باوەنور و بەرزاییەکانی و خورماتوو ئازادکران.</p><p style="text-align:right;"> </p><p style="text-align:right;">لە ١٠ی ئازاری ١٩٩١، مەسیف و تەقتەق و ڕەواندوز قەرەھەنجیر و ئاغجەلەر و ھەریر و باتاس و خەلیفان و سپیلک و سۆران و چۆمان و حاجی ئۆمەران و مێرگەسوور و ناوچەکانی ئازادکران</p><p style="text-align:right;"> </p><p style="text-align:right;">لە ١١ی ئازاری ١٩٩١دا، شاری هەولێر پایتەختی هەرێمی کوردستان، لە دێگەڵە تا کەسنەزان ، بنەسڵاوە، دارەتوو، قوشتەپە و شاوێس و پیرزین و مەلا ئۆمەر،جدیدە و تۆبزاوا،خەبات،ئاسکی کەلەک و کەورگۆسک و بەحرکە و بەرحوشتر، ڕەشکین و کانی قڕژالە و ڕێی گوێر و مەخموور ئازادکران</p><p style="text-align:right;"> </p><p style="text-align:right;">لە ١٢ی ئازاری ١٩٩١دا، جەلەولا(گوڵاڵە) و مەخموور و ئاکرێ و ناحیەی بجیل و سورچیایەتی و بەردەرەش و دینارەتی زێبار تادەگاتە شێخان و سەرزێی خازر و خانەقین و شێخان ئازادکرا</p><p style="text-align:right;"> </p><p style="text-align:right;">لە ١٣ی ئازاری ١٩٩١دا، زاخۆ و کۆمەڵگای ھیزاوە و دەرکار عەجەم و دەشتی سلێڤان و چیای بێ خێر و ژوێ و پردێ و کەلار و جەبارە و کۆڵەجۆ ئازادکرا</p><p style="text-align:right;"> </p><p style="text-align:right;">لە ١٤ی ئازاری ١٩٩١دا،دھۆک و زاوێتە و مانگێش و باگێرا و سەرسەنگ و ئەنیشک و بامەڕنێ و دێرەلوک و ئامێدی و سیریێ و شێلادزێ و باتوفە و بێ گۆڤا و سەرجەم ناوچەکانی و کانی ماسی و ناوچەی بەروای بالا و ریِکان، چیاکانی گاراومەتین و چیای شیرین و چیای فاتێ و چیای بارزان و چیای بامەڕنێ ئازادکرا</p><p style="text-align:right;"> </p><p style="text-align:right;">لە ١٤ی ئازاری ١٩٩١ تا ٢٠ی ئازار ڕاپەڕین بەردەوام بوو سەرجەم شار و شارۆچکە و ناحیە و گوندەکانی کوردستان ئازادکران و لە ٢٠ - ١٩٩١/٣/٢١دا شاری کەرکوک ئازادکرا و کۆتایی بە ڕاپەڕین هات و ئاگری سەرکەوتن کرایەوە بە بۆنەی ئازادکردنی شاری کەرکوک و جەژنی نەورۆز، جەژنی نەتەوەیی کورد. </p>